காதலை பணத்திற்கு பலியும் தந்தேன்

காதலை பணத்திற்கு பலியும் தந்தேன்  

விடும் மூச்சுக்கு நான் விடுதலை
தந்தேன்

விடுகதைக்கு ஒரு விடையை
தந்தேன்

விருப்பத்திற்கு பேராசையை கூட்டி
தந்தேன்

விரல் சுகத்திற்கு உந்தன் மேனியின்
ஸ்பரிசம் தந்தேன்

வீசிடும் காற்றுக்கு என் அறிமுகம்
தந்தேன்

வீணையின் நாதத்திற்கு நல்லதொரு
பாட்டை துணைக்கு தந்தேன்

வீரத்திற்கு வாள் வீச்சை பழக்கி
தந்தேன்

விண்மீனுக்கு வானத்தில் படுக்கை
அமைத்து தந்தேன்

வெண்ணிலவுக்கு கதிரவனின் நட்பினை
அழைத்து தந்தேன்

விந்தைகள் பலவும் அத்தனை பேர்க்கும்
தந்தேன்,

கடைசியில் என் காதலை பணத்திற்கு
பலியும் தந்தேன்

கவிதை ஒன்றை மட்டும் இன்று
உலகிற்கு தந்தேன்

கவிஞன் என்ற பெயர் மட்டும்
எனக்கு தந்தேன்