தேர்தலெனும் விஷப்பரிட்சை
முற்றதிலெரிந்த மூத்தக் குடிமகன்
வெறுத்து ஒதுங்கிய வல்லமை தலைவன்
வெண்கலச் சிலையாய் ஜொலிஜொலிக்க
முச்சந்தியில் சிரித்தான் புது மலர்ச்சூடி!!
வெள்ளாடை தரித்து
தன் அழுக்கை மறைக்க வலம் வந்து
வாக்கினை இரு கைகூப்பி
அக்கறை வேசமிட்டு கரை வேட்டியும்
இங்கே வருவது காண்!!
கந்துவட்டி கறைபோக்க
கரை வேட்டிக்குள்ளே புகுந்தாச்சு!
காசை அள்ளி தந்தே
கட்சியில் இடம் பிடிச்சாச்சு !!
வெட்டிவெட்டி மனுசனை சாய்சாச்சு
கரை வேட்டிகட்டி வேட்புமனு போட்டாச்சு!
கட்சிக் கொடி காரில் பறக்கவிட்டு
காவல்துறையை தன் காவலுக்கு வச்சாச்சு!!
கந்தை மனிதனை தினம் காண
கதரில் கஞ்சிபோட்டு காரினில் வருவது காண்!!
செல் வாக்கினை அள்ளி வீசி
உள்ளம் பதறிடப் பேசி
தேர்ந்தபின் கதறிட வைக்குமாடா!!
குண்டர்களை தொண்டனாக்கி
கும்பமேளா நடத்துமடா!
குடமுழுக்கு நாளில்
குண்டுகட்டாய் தாக்கி வெற்றிக்கனி பறிக்குமடா!!
உழவனின் நிலத்தை பிடுங்கி
உயிரினை பறிக்குமடா !
விளைநிலத்தில் பள்ளம் தோண்டி
பணப் புதையலை எடுக்குமடா !!
வீசிடும் சில்லறைக்கு சில
வேசி மகன் கூட்டம் கூடி
இறையாண்மையை துகிலுரிக்கும்
அரசியலும் நடக்குதடா !!
No comments:
Post a Comment