வாங்கிவைத்த வாழ்த்து அட்டைகள்

வாங்கிவைத்த வாழ்த்து அட்டைகள்

விரிந்து மலர்ந்த பூக்களுடனும்
தொடும் பொழுதே
பூவென உணரும் வகையில்....
வாங்கிவைத்த வாழ்த்து அட்டைகள்
அனுப்ப நினைத்தும்
அனுப்பாமல்
இன்னும் என்னிடமே.....!
அனுப்பிவைத்தால்
அன்னியமாகி விடுவோமோ...
என்று அஞ்சியஞ்சியே
அனுப்பாமல் விட்டவைகள் ஏராளம்.....!.
ஒருவேளை -
அனுப்பியிருந்தால்....
நம்மிருவரது அன்னியோன்யத்தையும்
அழுத்தமாய் சொல்லியிருக்குமோ...?
இருந்திருக்கலாம்
ஆனால்.....
நீ திருமணமாகிச் சென்றபின்
உனக்கான பிறந்த நாளின்போது
வாங்கி வைத்த வாழ்த்து அட்டைகள்
இன்னும் என்னிடமேதான் இருக்கிறது
என் பிரிய சகோதரியே....!